銘興酸菜魚 (黃埔新邨)

營業中

休息中

之前一直好鍾意紅磡嘅銘興刀削麵，原來佢地最近轉左做酸菜魚，人流依然咁旺，酸菜魚款式都幾多而且價錢合理。藤椒酸菜魚肥牛藤椒酸菜湯濃郁，藤椒清香而且麻香味唔會過濃，入口唔會太刺激。藤椒拼上酸菜酸香，酸菜酸而不嗆，湯底濃厚又好惹味。菜片無骨，魚片嫩滑爽彈，啖啖內。另外加上肥牛，湯底帶陣牛香。金湯牛肉拼紅薯金湯酸辣開胃，酸酸辣辣，帶住一陣鹹鮮麻香味。湯底濃得黎又唔膩，金湯配上薯粉彈牙煙韌。薯粉索湯得黎又唔會變腍。鮮牛肉肉質滑嫩。涼拌蒿筍小食蒿筍爽脆又清甜，拌上麻辣汁，荽茜同大量花生粒夠晒香口。涼拌海蜇小食海蜇好爽身而且掛上辣汁，味道好惹味又充滿辣勁。