景霖正宗四川麻辣米線 (已結業)

唔知食咩好～ 盲中中貢左入嚟～ 四川菜，午餐當然食米線～睇完餐牌決定食腐皮蝦卷米線，點知無得賣... 唯有即轉豬軟骨米線。豬軟骨係一樣風險好高嘅食物，我試過去好多餐廳點過點知都會唔熟，所以今次都係搵條命搏 😂真係搏到，熟嘅，仲好大碗添～ 不過就唔算軟腍，但都ok嘅～仲有好多配菜，芽菜，韭菜，撩撩下仲有塊腐樣田，但幾靭，未煮透😅米線都吸晒酸辣湯嘅味，仲帶有一陣獨特嘅香料味，同其他餐廳嘅味道完全唔同。當然，鐘唔鐘意就因人而已啦～最好係酸辣可以揀辣度，揀左小辣，辣味都幾嗆。好彩午市都送豆漿，一飲即解辣，舒服晒 😆