蕃滿門 (已結業)

今日去九龍灣展貿中心嘅超市入貨，咁就順便上去食埋野先走，又可以拎埋泊車優惠。因為兩個女都好鍾意食蕃茄湯通粉，所以我哋就揀咗呢一間坐低慢慢食。同一樓層都設有好多個點，提供濕紙巾同埋搓手液俾大家用👍🏻我地一家四口只係叫咗兩個餐+1個小食，其中一個係大滿貫，個碗大到不得之了，呢碗粉包羅萬有，好多餸而且個湯係好濃😋淨係呢一碗都可以三父女share。但我就見到有雞扒麻辣番茄湯底配米線，覺得好吸引同個配合好新鮮，叫左一碗試吓，點知個味又好夾喎，但愈食愈辣(我已經叫微辣🤪)，好過癮👍🏻好彩個餐送野飲，杯百香果好香好解辣😆加多$15就有個墨魚丸小食，雖然得幾粒，但配左個辣味粉後就變得不平凡👌🏻