大叻越南牛肉粉餐廳 (蘭杜街) (已搬遷) 新店位置

工作關係，今日去左灣仔附近～準備Lunch 覓個食！.So far 真係比較少吃越南野，所以路經，見lunch 尚有位置，就碌左入去試一試佢喇。.黎到感覺比較平民化，貼地既座位未至於迫到透唔到氣，仲有卡位安排可以坐，尚可～.難得黎食越南野～決定吃個最Classic 既生牛肉湯河開心下！落完order 後 野食都快速送上，果然做開快打～.講一講個生牛肉湯河先，佢一兜湯河車上台既時候，我都打左個突：嘩～咁大兜既！生牛肉幾塊大大塊～果然滿足到基工打工仔需要，至少要食得飽先開到工～.*味道方面，佢另有配料兜比你，包括左辣椒，草，同埋芽菜～當然仲有橙色湯汁～～我就加哂all in! 味道相當唔錯，一路覺得大大份無好野～原來又唔係woo! 同埋牛肉粉嫩粉嫩既顏色～唔會太老～.有機餓經開一定再黎食，如果細食既女仔可以share 一碗再嗌小食tim!