影片
更多
2016-03-17
655 瀏覽
天寒地凍，食完韓燒轉一轉場食甜品先，食咩甜品好? 梗係keep住個trend繼續韓下去啦 （笑）。閃左去尖咀搵韓冰，間店係喺商場一個corner位，自己出去點餐後攞返個牌就有人送過黎，不過服務員可能太辛苦，做到個人木口木面咁囉，以hea嚟講，坐得都算舒服，空間感都算唔錯。雖然雪花冰種類唔係多，但都有選擇困難症發作，最後我揀左藍莓芝士雪花冰，份量真係好大，如果2個女仔食飽飯去，建議一碗兩份share。軟綿綿嘅雪花冰真係打得好細滑，入口即溶仲有淡淡奶香，我個人中意重口味，奶味勁啲仲好。入面有新鮮藍莓、芝士粒/芝士蛋糕粒（唔太sure），加埋藍莓醬?定係草莓醬呢? 頂頂仲有一球雪糕，我覺得個雪糕好甜，其他配料都好清新，芝士粒都算多，整體都係好味嘅。另一個就係紅豆豆粉雪花冰，umm...都幾日韓口味架，氣管敏感嘅朋友小心唔覺意吸左啲粉入氣管，咳死㗎。一樣啦，都係有牛奶味細細滑滑嘅雪花冰，入面有細細粒嘅mochi，不甜不膩，topping有大量黃豆粉，仲有大大pat紅豆，整多2粒大mochi添，每咬到啖mochi就覺得有陣咸咸地嘅味道，又咸又甜咁幾得意，而且有咬口，食食2下都幾飽架。不過我都係中
閃左去尖咀搵韓冰，間店係喺商場一個corner位，自己出去點餐後攞返個牌就有人送過黎，不過服務員可能太辛苦，做到個人木口木面咁囉，以hea嚟講，坐得都算舒服，空間感都算唔錯。
雖然雪花冰種類唔係多，但都有選擇困難症發作，最後我揀左藍莓芝士雪花冰，份量真係好大，如果2個女仔食飽飯去，建議一碗兩份share。軟綿綿嘅雪花冰真係打得好細滑，入口即溶仲有淡淡奶香，我個人中意重口味，奶味勁啲仲好。入面有新鮮藍莓、芝士粒/芝士蛋糕粒（唔太sure），加埋藍莓醬?定係草莓醬呢? 頂頂仲有一球雪糕，我覺得個雪糕好甜，其他配料都好清新，芝士粒都算多，整體都係好味嘅。
另一個就係紅豆豆粉雪花冰，umm...都幾日韓口味架，氣管敏感嘅朋友小心唔覺意吸左啲粉入氣管，咳死㗎。一樣啦，都係有牛奶味細細滑滑嘅雪花冰，入面有細細粒嘅mochi，不甜不膩，topping有大量黃豆粉，仲有大大pat紅豆，整多2粒大mochi添，每咬到啖mochi就覺得有陣咸咸地嘅味道，又咸又甜咁幾得意，而且有咬口，食食2下都幾飽架。不過我都係中意生果類配雪花冰多啲。
2碗份量真係好大，我地2個人完成唔到賽事，最後每人放棄左半碗，所以大家最好share食，唔好似我咁眼闊肚窄（爆）
張貼
