茶木‧台式休閒餐廳 (已結業)

去過台灣啲潮流咖啡座, 食既都係厚多士花茶蛋糕三文治, 我呢個大男人真係要有飯氣先夠滿足.  估唔到茶木這間台式餐廳既SET LUNCH有多款客飯選擇, 還可配小食及飲品, 而且份量都唔少, 味道還不錯, 最正係$60, 隔離街間出名茶餐廳都唔止啦, 仲要坐得舒服唔會趕你走.  令我對這類台式休閒餐廳改觀了.玻璃壺花茶都係30幾蚊, 咁高貴我愛人實冧死.台灣手作麵幾特別, SET LUNCH有但貴過客飯, 又無配小食, 怕唔飽啦.圖左: 肉燥飯好大碗夠我食, 肉燥帶點肥豬肉撈飯正, 但份量唔夠.  圖上: 地瓜三杯嫩雞, 大啖雞肉, 醬油煮得夠味佐飯啱晒.  圖右: 炸花枝丸, 有汁既炸墨丸, 醬汁大概都是豉油老抽糖....味道跟肉燥, 三杯雞差不多. 餐飲熱咖啡, 有驚喜喎, 有即磨咖啡香, 附上既開心菓曲奇餅很脆口不過甜.