十二味麻辣小當家 (已結業)

平時我都幾喜歡食酸辣粉之類，早排聽朋友講呢度啲麻辣燙好鬼惹味，所以特意來食。呢度都有分麻辣燙(即湯粉)及麻辣香鍋(即乾炒)，看過後都係湯粉比較合口味。先選了麻辣燙的小辣，份量是平常的一倍，不算辣，下次選中辣會好點。四川薯粉煙煙韌韌；酥肉外有點像魚蛋，好彈牙，必食。新彊羊肉有咬口同騷味重。鮮腐竹切得大小適中。彈牙牛筋份量都好多，大大舊但炆得幾軟腍，惹味。