金滿都越南餐廳 (已結業)

位於興華街與元州街交界， 一間越式湯河粉店， 與親友一齊共聚享用晚餐， 揀咗一張卡位， 坐落感到舒適， 周遭環境人流不太多， 晚飯時間大多數人集中晒喺附近嘅茶記， 份外感到寧靜舒適， 看餐牌有好多選擇， 有金邊粉還有越式飯類選擇， 叫咗火車頭湯河粉和生熟牛肉湯河粉， 餐飲包括荔枝玉露和大菜冰， 侍應服務態度良好， 點了菜不到十分鐘， 送上大大碗份量十足的金邊粉湯河， 火車頭湯河湯底美味， 配料爽口， 有牛柏葉，牛丸，生熟牛肉剛剛好， 只是飲品略為太甜， 整體水準不錯， 價錢公道， 平均每人消費60元。