新匯聚打冷小廚 (已結業)

今日又去咗觀塘食飯， 食返喺成業街嘅打冷店。 雖然係晚市但都唔少人用餐， 仲見到有啲人自備紅酒開酒飲我哋兩個人，眼闊肚窄order了咗四碟嘢。 有鹵水鵝片 ，蠔餅 ， 馬拉盞炒通菜牛肉， 椒鹽鮮魷拼欖角骨。鹵水鵝片， 好刀工， 十數塊鵝片及底下豆腐切得均勻， 鵝肉肥瘦適中， 鹵水汁鹹甜適中。蠔餅， 沒粉漿，蠔夠肥厚，好多好大粒，而且係用鴨蛋煎香，色澤及味道較為濃郁， 加上黑胡椒同芫茜碎，好味道， 為當晚最欣賞嘅餸菜。椒鹽鮮魷併欖角骨， 單叫太大碟，可以雙併真係好，我唔介意俾多少少錢食多一味餸。 椒鹽鮮魷，唔厚粉，冇出水，脆卜卜又咸香，係熱氣左d. 蜜汁欖角骨，啖啖肉，唔鞋，仲好香脆馬拉盞炒通菜牛肉，牛肉大片，鹹 香 滑 溜 ，惹 味 家 常 菜 。食完之後餐廳仲送咗每人一件椰汁馬豆糕，好好味。