農民泰菜 (已結業)

最近好運中心有間泰國菜新開張，於是放工約埋同事試吓。餐廳裝修不算豪華，但光線充足挺開揚，座位排列整齊，感覺舒服。門口放著大大嘅餐牌，方便食客點餐。餐廳以快餐形式運作，先在收銀處點餐。取票後，自行揾個靚位，直至聽到/見到屏幕顯示自己嘅號碼牌，即可取餐。等餐中，見到食物選擇也不少：每日精選、小菜、泰式車仔粉、小食及冷熱飲品等。牆壁上掛著多幅美食圖畫，除了裝飾外，應該是推介吧。等左一陣，可以取餐啦!今晚點左👇兩個餐、兩杯飲品加一個小食。自家製炸春卷炸春卷係泰菜必食之物，剛炸起嘅春卷，外面香脆，內裡熱辣辣，點了甜酸醬更好味。菠蘿炒飯加入菠蘿粒、青豆、粟米粒、雞肉粒、甘筍粒、椰果、臘腸等多種配料用黃咖哩炒成，上面放上肉鬆，味道清新。泰式雞肉炒金邊粉金邊粉炒得乾身，裏面有雞肉、芽菜同韮菜等做配料，再放上花生碎，最特別係仲有櫻花蝦，整體帶點甜味。桌上還放有四種調味料，任君選擇。咸檸梳打(凍)&龍眼冰(凍)梳打有咸檸檬味，龍眼水不算甜。整體來說，餐嘅份量大，價錢大眾化，又多一個地方開餐啦。