田記魚蛋牛腩專門店 (塘尾道)

營業中

休息中

今日公司好忙，中午做到一點幾，所以想快快手食個港式風味快飯再返公司做野。結果搵左公司附近間田記魚旦牛腩專門店黎個速食。入到去都幾多人，快快手搵個位坐低再叫野食。 餐廳真係好有港式風味，野食唔駛五分鐘就已經到齊晒。  炸魚皮 ($22) 炸魚皮一上檯，真係俾個份量嚇親，估唔到有咁大碟。食落口十分香脆，應該太好賣，日日都新鮮返貨。  金牌牛腩河 ($39) 本身想佢個招牌崩沙牛腩河，但可惜我太遲到，已經賣晒。唯有改叫金牌牛腩河。牛腩好淋好味，食得出用左唔同香料去炆。另外河粉分量都好多，男仔食一碗都一定夠飽。 好可惜今日食唔到佢招牌崩沙牛腩河，唯有搵日早啲過黎再試。