緣聚鮮鍋 (已結業)

打邊爐除咗要有個爐，最緊要食物種類多，呢排唔可以坐得咁密，地方寬敞一樣重要。緣聚鮮鍋除咗地方大，仲好多款式。好，坐低睇下有咩好食先。叫咗麻辣湯底，幾香麻辣味，唔錯。呢度肉類係掃code 落單，牛同豬都各叫一客試下，肉類色澤紅潤，食落夠肉味，新鮮度唔錯。海鮮都好幾款，蠔、沙白、帆立貝，新鮮好味，夠厚肉。冷盤八爪魚、中華沙律、辣味螺肉，keep 到係凍既，冷盤開胃菜。岀去行一圈仲驚喜，數十款熱食，蔬菜，連麵食種類都十幾款，飲品櫃由左至右，多到我飲唔晒，唯有下次再幫襯。