龍記招牌雲吞 (已結業)

以前尖沙咀厚褔街有間大粒雲吞店已經搬遷咗去荃灣，依家係尖沙咀嘅人氣店都係最近先發現。款式唔多，只有牛肉雲吞鯪魚球，理應係可以專心做好。我唔食牛所以點咗雲吞鯪魚球雙拼河加芥蘭。去個陣已經接近兩點可能旅遊書有介紹仍然客滿有大班韓國人。雙拼各有三粒，雲吞係大大粒有蝦夠彈牙，至於鯪魚球都大大粒嘅但係就麻麻地好食囉。口感太實又混咗啲細魚骨，要小心食。賣點就係招牌雲吞夠大粒，味道一般般，未去到念念不忘，想翻兜再食。