新麻蒲 BBQ (波斯富街) (已結業)

呢一度嘅地點非常方便，非常接近地鐵站， 基本上就係地鐵站一出口嘅對面，上一層就係呢一間店鋪嘅位置。而內裡嘅環境都非常舒適，座位寬闊。呢度食品嘅選擇得非常之多。首先我講一講個前菜先啦，呢一度嘅前菜非常好食，而且可以加添，所以我覺得呢一點係非常之好！ 而且加添嘅份量亦都非常之多，最啱鍾意食泡菜嘅人士。呢一個肉燥飯嘅辣度相當，雖然話係辣，但係辣得非常過癮同可口。最精彩就係呢個bbq pot.面頭好多菜，再配上中間嘅肉，嗰份量二至三個人食啱啱好。食完有一種飽肚嘅感覺，如果有機會我一定會再嚟一次！因為真係好好食。