Mee...lemongrass (已結業)

經過門口 ， 初頭係畀佢嘅擺設吸引， 繼而見到裏面嘅客人都叫一款喇沙，內裏都有一隻大龍蝦，非常吸引 ！！！喺門口睇餐牌先知道係每日限定嘅，而且只需84蚊！！問咗店員confirm仍然供應， 我同朋友就立即入去！！！波士頓龍蝦喇沙 ～主角到喇！真係極大碗！ 睇返張墊枱紙同佢嘅比例，就知道佢真係超！級！大！除咗湯底夠味香濃之外 ，麵底係用咗兩款唔同嘅麵！所以口感非常特別！「拆哂啲龍蝦肉出嚟！」心裡面一直想著呢個動作！！真係非常熱刺！！馬來蜜汁炭燒厚切豬扒撈檬～ 豬扒非常香脆，而且蜜糖味非常重，是甜甜的， 而且佢註明咗係炭燒， 所以別有一番風味！ 檬粉份量都非常多！ 真係超值！馬拉盞炒通菜～ 出街食飯點都要叫返碟菜嘅！ 通菜分量非常多！ 感覺係堆滿加壓實哂！而且都非常惹味！飲品方面， 點咗一熱一凍， 天氣開始轉涼 ，我想飲紅棗杞子茶暖暖身而 朋友就熱底， 叫咗個cool爆鮮士多啤梨冰冰特飲！2杯都好出色，而鮮士多啤梨嘅份量都好多， 絕對真材實料！