影片
更多
2018-10-24
782 瀏覽
屋企人鐘意食PIZZA，又想係荃灣區食飯，於是就揀左荃廣PIZZA EXPRESS做dinner。每逢星期五同假期荃灣廣場都會好多人，間間餐廳都要排隊，所以一早就BOOK左位，廢事到時又要兩老企係到戇居居等位了。餐廳兩邊都係玻璃窗，可以望到商場入口或者商場入面，侍應安排左我地係卡位梳化坐，幾舒服同闊落。檯上面已準備一枝水俾客人斟，仲有枝辣椒油，好好食，好香，我地幾乎食每樣野都落啲哈哈呢到主要食pizza同pasta，飯既種類少啲，另外都有小食甜品果啲。最後我地叫左個4人餐，包前菜x2、沙律x1、Pizza x2、主菜x1、飲品x4（$499）見佢個配搭一定要揀個沙律，所以頭盤就揀左蒜蓉包+意式焗肉丸（返到屋企睇返啲相先發現蒜蓉包冇黎到）肉丸有5-6粒，味道就好似蕃茄焗肉醬意粉啲肉醬咁，但啲肉醬就搓成左波波。佢既茄醬帶甜多過酸，中規中矩咁。側邊伴碟既麵包球就有啲硬、冇味，唔好食。沙律我地揀左common款雞肉凱薩沙律份量足夠4個人食，比想像中多。菜好新鮮，食到索索聲，脆麵包粒同煙肉都好香口，連埋菜食，成個沙律增加左層次。啲雞肉食到佢有餣過，唔係整熟左撈埋沙律醬就上碟果隻，而且幾滑，不錯！
檯上面已準備一枝水俾客人斟，仲有枝辣椒油，好好食，好香，我地幾乎食每樣野都落啲哈哈
呢到主要食pizza同pasta，飯既種類少啲，另外都有小食甜品果啲。最後我地叫左個4人餐，包前菜x2、沙律x1、Pizza x2、主菜x1、飲品x4（$499）
見佢個配搭一定要揀個沙律，所以頭盤就揀左蒜蓉包+意式焗肉丸
（返到屋企睇返啲相先發現蒜蓉包冇黎到）
肉丸有5-6粒，味道就好似蕃茄焗肉醬意粉啲肉醬咁，但啲肉醬就搓成左波波。佢既茄醬帶甜多過酸，中規中矩咁。側邊伴碟既麵包球就有啲硬、冇味，唔好食。
沙律我地揀左common款
雞肉凱薩沙律
份量足夠4個人食，比想像中多。菜好新鮮，食到索索聲，脆麵包粒同煙肉都好香口，連埋菜食，成個沙律增加左層次。啲雞肉食到佢有餣過，唔係整熟左撈埋沙律醬就上碟果隻，而且幾滑，不錯！
開頭諗一個餐有兩個pizza，應該都唔會好大個啦，點知上菜果時發現真係好大塊。
我地叫既係美國辣味薄餅+利吉里亞海鮮薄餅
意式薄餅都係薄身既，佢呢到既pizza的確做得好薄，所以岩岩食完前菜等一陣，兩個pizza就黎喇。辣味果個味道就比較傳統，用左茄醬做底，面頭加左啲辣肉腸同埋墨西哥椒。椒有兩款揀，另外果款係餣辣紅椒。我問侍應有咩分別，佢笑而不語，最後揀左青色都係估佢冇咁辣，事實又一啲都唔辣。
海鮮果個就用左白汁做底，海鮮有青口、硯、蝦、魷魚，全部都好mini，仲有啲香料鋪面咁。
兩個比較起黎辣味果個濃味好多，海鮮果個幾乎食唔出啲咩味，好在啲鮮都唔會好腥。辣味pizza落既醬，配料都岩岩好鋪勻係餅面，推介！
Pasta就叫左意式野菌蝴蝶粉
平時意粉就食得多，今次就叫下唔同野。呢個係素菜款，淨係得菇做配料。醬汁係由磨菇汁同松露油撈成，食落口好creamy咁好似落左忌廉咁。本身唔係太食松露，但佢落既係油同埋份量唔算多，反而帶出左個香味。每食一舊蝴蝶粉都沾到啲醬汁，GOOD
食到呢到大家都有意猶未盡既感覺，打開餐牌望下望下，最後決定點多個麵食
瑪沙拉雞肉長通粉（$138）
個長通粉望落好似煮到好淋，仲要冇乜味咁，但食落又幾驚喜。麵keep到煙un，味道甜甜地，加埋百里香又緩和返忌廉既膩。雞肉都係有餣過。好食過蝴蝶粉！
我地之後仲加左個甜品Brownie
外表好有雪地既感覺，面頭有啲oreo碎，下面係啲cream，中間有Brownie，最底係雪糕。一匙羹筆到落最底就會食到唔同既口感。Oreo既脆，cream既幼滑， brownie既柔軟（外皮係焗到脆脆地既，裡面就軟熟），同最尾涼涼地既感覺，非常之滿足。雖然係朱古力，但一啲都唔甜。
家人就唔係太欣賞，佢地話好普通，朱古力蛋糕+云尼拿雪糕
最後係飲品，佢跟餐除左有氣既飲品其他都要加錢。檸檬茶就可以任添。
汽水佢會俾個裝住冰既杯俾你倒啲汽水落去。
雖然佢俾漏左個包我地，但整體都滿意。呢到侍應唔係好夠，有時需要落單都要等一陣先有人應，不過侍應見到就會即刻埋黎，食到最尾又會問啲野岩唔岩食
張貼
