影片
更多
2017-08-19
13153 瀏覽
由細到大成日都經過呢度，差不多隔幾日就會見到呢個大太陽及四度拱門，感覺非常親切，呢個太陽就係睇住我長大㗎喇，都會諗吓吖大個咗嚟食，但唔知點解到大個咗，又覺得外面其實有咁多選擇，點解要嚟呢度試呢？呢度應該都係得個名㗎啫，所以一直都冇諗住嚟，直到有一日，突然心血來潮想去食......一入到嚟，裝修唔係而家個啲餐廳嗰種一味賣金碧輝煌嘅感覺，反而呢度嗰種古典歐陸風味，令我感覺更舒服麵包揀咗baguette食，平時我一定唔會食嘅，因為太硬。但今日呢個baguette竟然令我另眼相看，外面好脆但入面非常軟熟，仲要係熱辣辣，搽一搽玫瑰形嘅牛油，即刻溶化，可想而知係幾咁熱炸大蝦多士我真係好鍾意食蝦多士，見到有咁傳統嘅食物，當然要叫嚟食！上菜時我都真係呆咗，因為好大件啊！炸到金黃色及非常乾身，炸粉唔厚，蝦嘅size同塊多士係差不多咁大，好厚肉，切開嚟睇係真係一隻肥大蝦安躺喺薄薄嘅多士上，口感激好！就算食完兩大件，個咀都唔會油立立，太正喇！周打魚湯著住踢死兔帶住手套嘅侍應會推架車仔出嚟，喺我哋面前將啲湯再煮熱，上菜後都係熱辣辣，連隻碗都好熱，真係好buy呢種咁貼心嘅服務，因為我實在太鍾意食熱辣辣嘅食物喇！
一入到嚟，裝修唔係而家個啲餐廳嗰種一味賣金碧輝煌嘅感覺，反而呢度嗰種古典歐陸風味，令我感覺更舒服
麵包
揀咗baguette食，平時我一定唔會食嘅，因為太硬。但今日呢個baguette竟然令我另眼相看，外面好脆但入面非常軟熟，仲要係熱辣辣，搽一搽玫瑰形嘅牛油，即刻溶化，可想而知係幾咁熱
麵包
312 瀏覽
0 讚好
0 留言
炸大蝦多士
我真係好鍾意食蝦多士，見到有咁傳統嘅食物，當然要叫嚟食！上菜時我都真係呆咗，因為好大件啊！炸到金黃色及非常乾身，炸粉唔厚，蝦嘅size同塊多士係差不多咁大，好厚肉，切開嚟睇係真係一隻肥大蝦安躺喺薄薄嘅多士上，口感激好！就算食完兩大件，個咀都唔會油立立，太正喇！
炸大蝦多士
216 瀏覽
2 讚好
0 留言
炸大蝦多士
142 瀏覽
0 讚好
0 留言
炸大蝦多士
140 瀏覽
0 讚好
0 留言
炸大蝦多士
99 瀏覽
0 讚好
0 留言
周打魚湯
著住踢死兔帶住手套嘅侍應會推架車仔出嚟，喺我哋面前將啲湯再煮熱，上菜後都係熱辣辣，連隻碗都好熱，真係好buy呢種咁貼心嘅服務，因為我實在太鍾意食熱辣辣嘅食物喇！味道方面，係細個飲嗰隻味道呀，濃郁creamy，鹹度適中，湯嘅口感濃厚，魚肉亦都好大塊
周打魚湯
109 瀏覽
0 讚好
0 留言
扒肉眼配乾蔥洋蔥紅酒汁
侍應又推架車出嚟，即場煮熱啲汁，再喺隻鑊裡面拎塊牛扒出嚟倒上醬汁，跟住另上配菜，感覺好細心。本身我係非常鍾意食牛扒，但當然要睇地方嚟食，嚟得呢度，希望塊扒唔會令我失望。上菜時，又呆咗一呆，因為非常大塊及厚身，真係冇expect過佢會係咁大舊！我要7成熟，燒得啱啱好，外面香脆grill味非常濃郁，入面嘅肉係粉嫩色，非常非常吸引。牛味好香濃，每一吓切落去都冇難度，肉質好有彈性，一啲都唔韌，非常滿意！
扒肉眼配乾蔥洋蔥紅酒汁
80 瀏覽
0 讚好
0 留言
扒肉眼配乾蔥洋蔥紅酒汁
76 瀏覽
0 讚好
0 留言
芝士菠菜焗鱸魚
又係比想像中大碟好多！兩大塊嘅鱸魚上鋪滿溶咗嘅芝士，賣相非常吸引，鱸魚煎得金黃色，下面全部都係菠菜，好有份量！本身鱸魚嘅外層係好香脆，但因為俾芝士蓋過晒，所以口感會變腍，感覺上牛扒比較出色啲；不過呢道菜都幾膩，正常食量嘅女仔食未必會食得晒
芝士菠菜焗鱸魚
82 瀏覽
0 讚好
0 留言
芝士菠菜焗鱸魚
87 瀏覽
0 讚好
0 留言
香草奶凍配巧克力吧芙條及香芒汁
又係咁大件嘅？！有濃濃嘅奶香，vanilla味香甜，口感幼滑到會滑入喉嚨。好多時食甜品都係覺得太好味但份量太細，食完都唔夠喉一樣，但呢個由於夠晒大份，所以完全冇嗰種唔夠喉嘅感覺！朱古力吧芙條外層微脆，我唔鍾意食朱古力都覺得唔錯！
香草奶凍配巧克力吧芙條及香芒汁
74 瀏覽
0 讚好
0 留言
黑森林蛋糕
記得細個嗰陣成日食黑森林蛋糕，媽咪又成日話而家食唔返以前嗰種味道，但似乎今日喺度食完之後，我幫佢搵返以前嘅味道喎！蛋糕好鬆軟，朱古力味適中，唔會太濃，連埋最頂層嗰啲朱古力碎一齊食，味道就啱啱好喇；中間嘅cream香滑細膩，我唔鍾意食cream，所以呢個得一層cream係做得啱啱好；櫻桃帶輕微酒味，連我唔飲酒都食到；整體成個蛋糕都唔係好甜，其實咁多年嚟都冇特別好想再食黑森林蛋糕，但唔知點解，今日食完之後又好懷念.....
黑森林蛋糕
78 瀏覽
1 讚好
0 留言
黑森林蛋糕
71 瀏覽
0 讚好
0 留言
朱古力雪糕
送咗4粒俾我哋，咬開個朱古力，入面係咖啡味雪糕，外脆內軟，層次豐富
朱古力雪糕
69 瀏覽
0 讚好
0 留言
朱古力雪糕
74 瀏覽
0 讚好
0 留言
呢度嘅服務比想像中好，絕對冇因為你係生客而黑口黑面咁招呼你，反而會有一種好老朋友嘅感覺...... 不過以呢度咁嘅排場，另一檯食完野，我哋又咁啱食完野，就唔應該收咗我哋隻碟之後，再放去另一檯，跟住先一齊收碟，咁樣唔係太好睇，不過都係小問題啫
3個course $340，4個course $390，老實講冇諗過係咁嘅價錢。以呢度嘅歷史、排場、裝修，仲要每道菜都咁大碟，又熱辣辣，又好味，其實加埋真係$400都唔洗？
對好多人嚟講，呢度只係一間喺香港好有歷史嘅餐廳。但原來我對你真係好有感情，由細細個開始，每次行過學校嗰段石牆，我都總會抬頭望一望個太陽，望足咁多年，你都一直陪住我成長，揀咗今日嚟，真係好有意義
張貼
