影片
更多
2020-06-10
904 瀏覽
又出動去揾食啦！今次呢間唔係第一次，之前已去過幾次，一直覺得幾好食。但今次真係有d失望!我地食晚餐，6點去到唔洗等位，揀左bar枱坐，因為老公想睇廚師整野食。坐喺bar可以見到廚師整壽司刺身同串燒!我地首先叫左d刺身壽司先!刺身要左7款，但就唔要三文魚，刺身新鮮程度只係普通，有一兩款白身魚有少少腥，帶子同海膽稍為好dd!之後要左個葱碎拖羅卷，係特別多嘅拖羅，但其實只係普通青瓜卷上面放上拖羅碎，無咩技巧，味道還可以啦！再加一個前菜，蟹膏豆腐海膽，豆腐係加左蟹膏做嘅，上面加上海膽同三文魚子，但我老公就話個蟹膏豆腐有d腥，但我自己就可以接受，加埋三文魚子，味道鹹鹹鮮鮮咁，我覺得算有驚喜!熟食叫左銀雪魚西京燒，味道同其他鋪頭食到嘅差唔多，魚皮燒得香脆。燒秋葵及燒明太子長芋(淮山)，秋葵每次來都會叫，因為健康，燒完唔會滑lulu咁，容易入口。燒長芋上面加左明太子，微辣，入口口感豐富。最後加左燒牛舌同雞腎，味道麻麻，可以話係無味，之前明明唔係咁架!喺等野食期間，梗係周圍望架啦，坐bar枱又真係咩都望到晒，我見到有個廚師一隻手拎住一樣食材另一隻手扯低個口罩，擰歪面打左個乞痴。。。er。。。真係唔知講
我地食晚餐，6點去到唔洗等位，揀左bar枱坐，因為老公想睇廚師整野食。坐喺bar可以見到廚師整壽司刺身同串燒!
我地首先叫左d刺身壽司先!刺身要左7款，但就唔要三文魚，刺身新鮮程度只係普通，有一兩款白身魚有少少腥，帶子同海膽稍為好dd!
6 瀏覽
0 讚好
0 留言
之後要左個葱碎拖羅卷，係特別多嘅拖羅，但其實只係普通青瓜卷上面放上拖羅碎，無咩技巧，味道還可以啦！
12 瀏覽
0 讚好
0 留言
再加一個前菜，蟹膏豆腐海膽，豆腐係加左蟹膏做嘅，上面加上海膽同三文魚子，但我老公就話個蟹膏豆腐有d腥，但我自己就可以接受，加埋三文魚子，味道鹹鹹鮮鮮咁，我覺得算有驚喜!
6 瀏覽
0 讚好
0 留言
熟食叫左銀雪魚西京燒，味道同其他鋪頭食到嘅差唔多，魚皮燒得香脆。
15 瀏覽
0 讚好
0 留言
燒秋葵及燒明太子長芋(淮山)，秋葵每次來都會叫，因為健康，燒完唔會滑lulu咁，容易入口。燒長芋上面加左明太子，微辣，入口口感豐富。
8 瀏覽
0 讚好
0 留言
22 瀏覽
0 讚好
0 留言
最後加左燒牛舌同雞腎，味道麻麻，可以話係無味，之前明明唔係咁架!
19 瀏覽
0 讚好
0 留言
喺等野食期間，梗係周圍望架啦，坐bar枱又真係咩都望到晒，我見到有個廚師一隻手拎住一樣食材另一隻手扯低個口罩，擰歪面打左個乞痴。。。er。。。真係唔知講咩好，唯有講下次唔再嚟啦！同埋安慰自己佢無向住食材打已經好好架啦！
無下次無下次無下次!
張貼
