影片
更多
2017-07-30
721 瀏覽
睇左幾日前 U Food 推介既午市$138任食炸雞加年糕鍋，見原來元朗有新分店，一於同妹妹兩個人去試試。黎到Yoho mall基本上所有餐廳門口都係大排長龍既，依間都唔例外。但係情況相當混亂，隊型又唔覺有，又無人企係度派飛甘喎。我地後來見到一個西口西面既男人出黎叫位先問佢，跟住佢西口西面甘比左張飛我地...😒 等位既同時我地睇餐牌，發現餐牌變左$198... 我地拎住張廣告相問店員，佢就話"今日無做"，乜都無再講啦😕 我地商量左一陣覺得都一場黎到，豪少少啦照等照食。入到去叫左兩人任食套餐($198/head)，每人叫多一罐八蚊既汔水，亦可以揀$20任飲。店員帶我地去到店角落既位置，旁邊係落地玻璃，坐底已經覺得好曬好熱，店入面仲要有好多個爐不停煲，冷氣又係商場中央既，無得較大啲通風，所以真係一路食一路出汗。甘開始啦，店員幫我地加左個清湯比左個兜我地就可以出去夾野，但個個真係清湯黎...😂😂 都好既自由啲...如果你想食韓式紅色泡菜湯底就勞煩你自己煮啦 😂 好彩我都大約識煮 ，出面有齊韓式辣醬，泡菜，大蔥，冬菇，所以係絕對煮到既。基本年糕鍋既配料，一款菜啦，仲有粉麵同即食麵揀，年糕雞蛋餃
店員帶我地去到店角落既位置，旁邊係落地玻璃，坐底已經覺得好曬好熱，店入面仲要有好多個爐不停煲，冷氣又係商場中央既，無得較大啲通風，所以真係一路食一路出汗。
甘開始啦，店員幫我地加左個清湯比左個兜我地就可以出去夾野，但個個真係清湯黎...😂😂 都好既自由啲...如果你想食韓式紅色泡菜湯底就勞煩你自己煮啦 😂 好彩我都大約識煮 ，出面有齊韓式辣醬，泡菜，大蔥，冬菇，所以係絕對煮到既。
基本年糕鍋既配料，一款菜啦，仲有粉麵同即食麵揀，年糕雞蛋餃子同埋切到碎哂既芝士腸... 😫 有極少量熟食，比較好食既係玉子燒，牛肉碎同粉絲麻麻地，仲有U food大推既魚糕串，依個都係好食既 😋😋
少不了當然係炸雞，食左招牌炸雞，初雪炸雞同白群主炸雞。一份大約有三舊，所以如果唔係叫任食套餐既客人就只得三舊雞淺嘗啦。雞係好食既，炸粉好薄咬落有肉汁，成舊炸雞偏軟身而唔係個種硬到死實實吉到咀都損既炸雞。妹妹話同其他分店炸雞水準相約，並無因為任食而差左。
講完食物好似都唔錯，點解會負評呢？除左環境之外，服務大約係零，係無既。一開始已經黎個黑口黑面既男人，只有少量較年輕既店員係有少少服務態度。但成間店既店員都好唔主動，做得依啲鍋，加水係基本。一定要叫佢佢先會加，仲要係叫都未必叫到，有時叫得黎都乾左痴底熄爐啦。我多次聽到其他枱同樣係啲爐燒到近乾BB聲Error先會有店員加水。 😡 如果你係人手唔夠我都可以體諒你新舖，但我見店員係多既，一人顧兩張枱都得，只係佢地寧願企係度吹水，都唔會主動去加下水囉。叫炸雞仲有一次漏左單。
總括而言，一間靚商場靚店舖甘大個brand，硬件充足，軟件失敗。我比198連加一每人220一個lunch，食緊唔係貴野，係一啲粉面菜同魚蛋，最值錢都係炸雞同玉子燒姐，都食唔到幾多，性價比已經低仲要零服務! 留唔住啲回頭客搵U food賣多多廣告都無用 😡😡😡
魚糕串
38 瀏覽
0 讚好
0 留言
玉子燒
28 瀏覽
0 讚好
0 留言
炸雞
52 瀏覽
0 讚好
0 留言
張貼
