不倒翁中日火鍋料理 (已結業)

今晚男友生日，同佢屋企人一齊去左尖沙咀isquare的不倒翁打邊爐。其實地點係我揀，因為好耐之前黎過，印象好好(雖然貴左的)。今日下午book左枱，晚上準時7時到，等了5分鐘才就座。店名「不倒翁中日火鍋料理」，其實係解可以食中式火鍋及/或日本剌身料理，火鍋不是中日式混合，唔好搞錯！今日湯底男友話事揀左冬蔭公，陪料揀左頂級雪花肥牛、招牌四寶丸、自製魚片魚蛋、魚麵、魚皮餃及芋頭。坦白講，除左個肥牛用料ok，其他的陪料全部大失水準，好失望。四寶丸只有牛丸還可以，其他丸都太「粉」，無mud鮮味，魚麵太腥太多粹骨，魚皮餃的皮就太厚。其實，如果係任食都還可以，但這裡賣點是高級邊爐及收費高級，如果只是如此水準，就真係令人好失望！最差勁一樣野，我地4人7:05分入座，唔到8:15分個經理已經「趕」我地走(當然因有人等位)，當我地仲食緊的時候就問我地會唔會再叫野，不會的話，就上埋生果甜品比我地。生果是每人2片西瓜(暧的)而甜品是「貴」花糕(都ok因不太甜)。今次邊爐，真係大失所望。