地中海舍 (已結業)

前年喺一個event試過當時大廚嘅手勢，好正。上年同朋友尼食都ok。但今餐應該係今個月以來最差嘅一餐。入座後等左一排侍應先尼落單，我地嗌三個餸兩杯野飲重覆左三四次佢先get到我地要啲乜 (但已經係看圖講故仔篤住個menu逐個餸嗌)。Cold cut salad 最正常。但啲cold cut嘅份量大約只夠用尼敷eye mask，仲要係一隻眼果隻。Tortilla鹹到出汁，可能大廚以為咁就係地中海風味。份量係細過我手掌的。塊tomato bread純粹係一塊白麵包加少少紅色酸酸地嘅物體，塊包薄切到我不得不配服廚師嘅刀工。但大佬你薄切就唔好用軟包啦...最後個calamares其實都ok，不過個份量真係好細。男友嗌左杯sauvignon blanc，落單時亦係指住個酒名order，不過最尾杯酒點解會變左紅色我地都唔係好明。我杯ice tea係今年以來飲過最甜嘅一杯野。埋單$253。其實海光街晚飯呢個價錢差唔多，但呢間野越做越衰，不如執_左佢啦。