Lardos Steak House (已結業)

睇完別人的食評，我專登帶剛由英國回港的女兒滿懷希望去享受一頓午餐。先book位，去到只見一枱客兩男兩女，衣著似地產代理，高聲談話，全無理會他人感覺。坐下，侍應推介海鮮飯，話好食，但做埋今天唔会再做。我感覺怪怪地，既然話好食，点会做埋今天就唔做。一於唔理佢。我地專心來食牛扒飱，我地一客要七成熟，一客要五成熟。一個跟飯，一個跟薯條。頭盤一個要沙律，一個要湯。我女食沙律時，已發覺藩茄仔無味，旁便塊多士好似隔左一晚，完全失望。到主菜上場，牛扒唔夠熱，無牛味，一点肉汁都唔覺。更攪笑系一早系枱上，已擺了兩小杯茄槳和黄色介棘。一筆落d介棘度，發覺已乾涸哂！更攪笑系佢將我叫五成熟的牛扒和我女叫七成熟的調轉左。臨尾送上小插曲，就系頭先個侍應同厨房佬互用粗口對駡。我即刻埋單走人，免受無枉之災