龍鳳號 (裝修中)

餐廳用電子落單，但係依然送錯單，waiters態度一般。一行四人，叫咗兩個雞扒一個排骨，我叫大腸麵線配刈包。朋友食嘅全部都好油膩，好多炸粉，塊肉本身好細。我個麵線好似豉油王炒麵浸粥咁，好鹹同好冇口感，刈包都非常油膩。最大問題係3:30之前冇小食同埋甜品。建議中午嚟嘅話唔好抱太高期望，同埋盡量唔好叫炸嘢同麵線。加埋價錢平唔平，同埋觀塘好多選擇，應該唔會有第二次。星期五下午一點去食，等咗20分鐘左右。