新越南亞呂 (已結業)

紅磡最近開咗間新越南餐廳，我同朋友咁啱經過，嗰日第一日開張，冇乜人排隊，所以就決定入去試吓佢。間鋪唔算話好大，但係座位與座位之間都唔算好迫，可能繁忙時間就需要搭一搭枱。朋友嗌左咗碟越式咖喱雞，上枱時賣相都幾靚，飯上面鋪左啲肉鬆。但係食落冇乜特別，佢隻咖喱係比較稀身，味道唔算好濃。我哋問一問店員，佢哋話呢一個係正宗越式嘅做法。雞嘅份量都足夠，食落都嫩口，不過我同我朋友都一致覺得麻麻地。另外我嗌咗碗香茅豬扒檬粉。以我食過咁多間嘅香茅豬扒，印象中都係炸過，外脆內軟嗰種。但係呢一間真係大失望。佢哋嘅豬扒同瘦肉冇分別，就咁擺落去煲湯度烚，冇咬口之餘仲要冇味，所以我食到一半都食唔落去了。以呢一個食物質素，佢嘅價錢根本唔值$55。希望佢日後可以改善下煮法。