地中海休閒餐廳 (已結業)

係人都知大學裏面嘅食堂嘅價錢性價比極高，今日就去咗浸會大學的西餐廳Bistro Bon食晚飯，餐廳嘅位置非常方便，基本上一入大學門口就會見到。裏面嘅座位非常寬敞舒適，餐廳嘅面積好大，唔怕搵唔到位錯。我哋早去剛入去嘅時候學生仲未食飯，人唔算好多，都夜少少就開始多人了。我哋點了兩個餐，每餐嘅份量都好多，有餐包、湯、前菜、主菜和飲品，食到勁飽，味道亦都唔差架！餐湯係蘑菇湯，我自己覺得好好飲，我好鍾意飲呢種磨碎左嘅蘑菇煮嘅蘑菇湯，蘑菇味真係好濃，佢上面仲放咗兩條酥皮麵包，真係好好味。佢哋嘅餐包都好好味，有五穀包、芝麻包每一個我都唔知叫咩名但又好好味嘅包。小食有三文魚他他和溫泉蛋炒雜菇，三文魚他他嘅味道非常好，如果一點點柚子嘅香味，酸酸地，好開胃。溫泉蛋煮得好好味，炒雜菇亦都好清新，唔會好鹹，味道剛剛好。主菜係安格斯牛肉芝士漢堡和溫泉蛋卡邦尼意粉，安格斯牛肉芝士漢堡非常巨大，安格斯牛肉煎得好靚，裏面仲係粉紅色㗎，而且佢唔係用雪藏嘅漢堡扒，睇得出係自己整嘅，所以食得出淡淡安格斯牛肉，裏面仲混入咗洋蔥碎，令味道更上一層樓。加埋一大塊煙肉同兩塊芝士，味道真係好好，佢嘅漢堡包係煎過嘅，所以食落特別脆口。