鬼滷 (已結業)

銅鑼灣呢間餐廳開宗明義要打破傳統潮州打冷舊有框架，令大家都可能優雅地 ！裝修用上鮮明嘅紅色，一嚟就先奉上焦糖爆谷🍿開啟食欲之旅。椒鹽普寧豆腐今餐獲得我哋一致好評嘅小食，用料簡單但已經好好食。豆腐口感軟滑，外皮香脆惹味而一啲都唔油膩，食落外酥内嫩；鹹鮮嘅味道再加上食嘅時候淋上韭菜湯汁更加增添風味。蘭王蛋蠔餅🍳蠔餅份量十足，煎得香脆鬆化而入面有好多蠔仔，面頭仲有啲柴魚碎好吸睛；口感豐富又夠曬鮮美。味道唔錯但認真地係食唔出個蘭王蛋嘅特別之處，始終都係加咗鴨蛋嘅會更加香。潮式滷水拼盤 🪿（五選）-份量足，滷水味道唔會好濃烈，挑選咗滷水鵝肉、鵝腸、豬肚，墨魚同埋豬仔髀加埋仲有墊底嘅滷水豆腐，好豐富！一次過滿足6個願望。當中比較少見係豬仔髀，肉質夠嫩又有豬肉香 都好有驚喜蠔仔粥🥣（呢個係二人份）粥底同平時一般食開比較淡口重方魚味嘅唔同，呢度本身已經充滿蠔嘅鮮甜，比較接近湯嘅味道，所以就算唔食蠔仔肉都已經好有味~同行潮州朋友仔表示不滿太多料，無得重現細個食開個種靠榨菜吊味嘅淡茂茂嘅回憶 😂😂😂蜆仔肉生菜包🥬最後追加多一味 （不過疑似漏咗單，最後10分鐘先上菜，搞到食到勁趕急）蜆仔肉雖然細細粒好似肉碎