影片
更多
2006-11-03
1 瀏覽
2 November 2006 (Thur) - 晚飯第一次黎，本來印象都唔錯，但到最後埋單，有少少不服，唔係錢既問題，係佢哋處事既手法～～唔知係新開定點，星期四都唔多人黎食，我都食到九點至走，都仲好多吉位。環境唔錯，又清靜又少人又乾淨，因為新嘛！食物都尚算可以，但係炸物就一啲都唔得，唔知係啲油定個鍋唔得，係我食過最差既軟殼蟹手卷店，啲 軟殼蟹炸到燶晒都攞出黎比人食，唔係少燶，係食既時候苦既，即係超燶～～ 然後叫咗個什錦天婦羅，但係啲 顏色好深色，好似炸過好多次咁，連蝦本身亦好霉！其它食物則算唔錯！好啦，食夠咪埋單囉，個女侍應數完碟之後，返去計數，又返黎點過，跟住又返去計數，再返黎問我哋有冇食到呢樣，又問我哋 有冇食到嗰樣，話因為唔啱 數，我都答佢有食到，但亦話邊度記得咁清楚跟住第二個女仔過黎同我哋 埋單我見佢哋之前又問呢又問路，咁梗係check真啲張單啦，但見我哋兩人食咗13碟顏色碟，佢郤計我14 碟, 我估佢哋之前可能比錯碟，但係都冇理由我枱上係13碟，佢要計我14碟錢跟住佢叫我等等，之後就走黎男經理，話我哋係有食過嗰兩碟$25既，所以咁計，咁我再同佢解釋返一次話因為我枱面上只有1
第一次黎，本來印象都唔錯，但到最後埋單，有少少不服，唔係錢既問題，係佢哋處事既手法～～
唔知係新開定點，星期四都唔多人黎食，我都食到九點至走，都仲好多吉位。環境唔錯，又清靜又少人又乾淨，因為新嘛！食物都尚算可以，但係炸物就一啲都唔得，唔知係啲油定個鍋唔得，係我食過最差既軟殼蟹手卷店，啲 軟殼蟹炸到燶晒都攞出黎比人食，唔係少燶，係食既時候苦既，即係超燶～～ 然後叫咗個什錦天婦羅，但係啲 顏色好深色，好似炸過好多次咁，連蝦本身亦好霉！其它食物則算唔錯！
好啦，食夠咪埋單囉，個女侍應數完碟之後，返去計數，又返黎點過，跟住又返去計數，再返黎問我哋有冇食到呢樣，又問我哋 有冇食到嗰樣，話因為唔啱 數，我都答佢有食到，但亦話邊度記得咁清楚
跟住第二個女仔過黎同我哋 埋單我見佢哋之前又問呢又問路，咁梗係check真啲張單啦，但見我哋兩人食咗13碟顏色碟，佢郤計我14 碟, 我估佢哋之前可能比錯碟，但係都冇理由我枱上係13碟，佢要計我14碟錢
跟住佢叫我等等，之後就走黎男經理，話我哋係有食過嗰兩碟$25既，所以咁計，咁我再同佢解釋返一次話因為我枱面上只有13碟嘢，冇理由計我14碟錢，而且可能係佢哋比錯顏色碟,咁最後佢當然扣咗碟最平而我枱面上又有既$9碟啦，咁都明既，佢唔想蝕錢嘛～～ 都冇計啦，咪埋單走囉～！
雖然話係新張期內有八折，但都唔係可以亂黎！所以真係有啲嬲嬲地，不過算啦，就當係我當黑啦～～～
張貼