Mixo

營業中

休息中

星期六下午見呢度有位所以就入咗去，但係食完就知道點解佢係星期六下午都可以有咁多位。首先咖啡我當佢普通啦，食物先震撼。求其叫左個番薯條諗住唔會死，點知黎到食左兩條已經係圖中咁既樣。係呀你無睇錯，份量少到我以為變左煙灰缸加幾個煙頭咁樣，或者係人地食剩左半碟。$60架😂 然後好似無調味過，我地最後問佢地拎左鹽先叫有啲味…做餐廳既朋友話，碟薯條似係廚房用剩呢袋最後個幾條（全部都係碎碎size），懶得開個包新 or 唔夠貨都照賣，所以碟野係咁既份量..唔知個老闆知唔知係咁樣出菜既standard.. 如果唔知….希望你依家知… 如果不嬲知…咁真係GG….前面既喊喊臉comment係絕對中肯，service無評論，因為只係有落單既交流，野食真係唔ok，特別係cafe food/西餐野，可能佢日本串燒真係好味，呢方面下面好似係有好評，但係下午coffee/ tea/ snack，我建議大家唔好浪費時間金錢同埋個胃了。