影片
更多
2023-09-03
153 瀏覽
職員打錯單收多錢唔出聲，而且態度惡劣，唔會再幫襯！事源我地搵位坐低之後，完全冇職員收盤，都算啦。咁我地咪行去門口收銀落俾錢，叫左兩碗糖水，當時係男職員做收銀。然後我拎住張單坐低，男職員就主動行埋黎問我係咪堂食？我話係（原來佢打錯單打左外賣）咁好啦我食飽走左架啦，行行下街突然醒起，係wo點解好似唔岩數？糖水係49x2，但收左$102，貴左4蚊。咁我地咪行返轉頭睇返個menu, 原來外賣盒係每個+$2，咁即係男職員打錯單冇退返錢俾我啦。（我初時都以為可能係男職員當時唔記得要退錢）咁我咪搵返男職員講返，然後佢一句唔好意思都冇講，好似聽唔到我講野咁，直接望住另一位黑口黑面既女同事講：「你退返$4俾佢啦。」女職員又係出色，粒聲唔出，黑哂面咗退錢俾我。我差d以為自己係咪做錯咩事定係佢地仇人…?公道講句，$4好少事，我知void單好麻煩，如果男職員行埋黎知道我堂食果陣，問我介唔介意張單出左唔可以退錢，我真係唔介意俾多幾蚊。但完全冇人提我，咁同呃錢有咩分別？呢間鋪食物係好食既，但呢種服務態度同埋呃錢行為，真係好趕客，真係唔會再幫襯。另外如果大家幫襯都要留意下，會唔會又有職員唔小心打錯單或者收錯錢
事源我地搵位坐低之後，完全冇職員收盤，都算啦。咁我地咪行去門口收銀落俾錢，叫左兩碗糖水，當時係男職員做收銀。
然後我拎住張單坐低，男職員就主動行埋黎問我係咪堂食？我話係（原來佢打錯單打左外賣）
咁好啦我食飽走左架啦，行行下街突然醒起，係wo點解好似唔岩數？糖水係49x2，但收左$102，貴左4蚊。咁我地咪行返轉頭睇返個menu, 原來外賣盒係每個+$2，咁即係男職員打錯單冇退返錢俾我啦。（我初時都以為可能係男職員當時唔記得要退錢）
咁我咪搵返男職員講返，然後佢一句唔好意思都冇講，好似聽唔到我講野咁，直接望住另一位黑口黑面既女同事講：「你退返$4俾佢啦。」
女職員又係出色，粒聲唔出，黑哂面咗退錢俾我。我差d以為自己係咪做錯咩事定係佢地仇人…?
公道講句，$4好少事，我知void單好麻煩，如果男職員行埋黎知道我堂食果陣，問我介唔介意張單出左唔可以退錢，我真係唔介意俾多幾蚊。但完全冇人提我，咁同呃錢有咩分別？
呢間鋪食物係好食既，但呢種服務態度同埋呃錢行為，真係好趕客，真係唔會再幫襯。另外如果大家幫襯都要留意下，會唔會又有職員唔小心打錯單或者收錯錢
張貼