影片
更多
2012-10-01
216 瀏覽
25-9-2012(Tue)我去唔到男友人LKH屋企食飯,咁我又想將廈門手信畀佢同佢家人,29-9-2012(Sat)打畀LKH,佢話佢大女LL約尋日30-9-2012(Sun)中秋節正日食晚飯,其實我知係LKH o既太太同LL o既農曆生日,既然係咁,就一齊啦,開頭講好o左出街食,咁我就諗起o係土耳其媽媽廚房book位兼訂千層蛋糕,上次冇食$185.00o既梅爾辛紅飯釀烤嫩雞,重有$158.00o既土耳其乳酪芝士闊條麵,一口餃子要羊肉,其他由Grace幫我諗定.Grace話千層蛋糕未必趕得切做,如果做唔到就做班蘭蛋糕,我答我知自己太遲訂,但盡量,首選係千層蛋糕,做唔到班蘭蛋糕都要.轉頭佢打畀我,話要改去我愛伊斯坦堡,因為土耳其媽媽廚房有個爐壞o左.OK冇問題吖,不過我都講有位朋友會拖個好大o既行李箱,唔知會唔會阻佢,佢答有地方擺.好的,謝謝!點知到尋日12點幾,LHK打畀我,話壽星婆唔肯出街食,堅持自己煮,叫我打電話同佢講.咁好啦.打電話畀壽星婆,佢依然堅決o係屋企煮,重收我線添=.=”.唉!我失信於人喇.我打電話畀Grace,同佢講唔好意思,呢晚booking要cancel,不過我
Grace話千層蛋糕未必趕得切做,如果做唔到就做班蘭蛋糕,我答我知自己太遲訂,但盡量,首選係千層蛋糕,做唔到班蘭蛋糕都要.
轉頭佢打畀我,話要改去我愛伊斯坦堡,因為土耳其媽媽廚房有個爐壞o左.OK冇問題吖,不過我都講有位朋友會拖個好大o既行李箱,唔知會唔會阻佢,佢答有地方擺.好的,謝謝!
點知到尋日12點幾,LHK打畀我,話壽星婆唔肯出街食,堅持自己煮,叫我打電話同佢講.咁好啦.打電話畀壽星婆,佢依然堅決o係屋企煮,重收我線添=.=”.唉!我失信於人喇.
我打電話畀Grace,同佢講唔好意思,呢晚booking要cancel,不過我會o黎攞千層蛋糕同梅爾辛紅飯釀烤嫩雞,因為我真係預訂o左,唔想晒佢啲料,亦當係我o既小小彌補.
佢都好好人話OK會安排,不過一定要話實幾點到,因為梅爾辛紅飯釀烤嫩雞做起後唔可以等太耐.好的.而呢次拎食物o既地點又唔同,係呢間－我愛峇里島.
謝謝Grace咁好人,我好內疚,又欠佢一次,下次我一定會自己約一班人o黎幫襯.
而o係約定時間前5分鐘,Grace都打畀我話隻雞焗好,可以隨時拎.我上到去拎喇,梅爾辛紅飯釀烤嫩雞係$215.00,千層蛋糕係$300.00,Grace話隻雞要趁熱食,如果拎到返去凍o左,就用焗爐細火焗返10分鐘就OK,而乳酪係蘸雞食o既.
攪掂就去LKH屋企喇,我同男友坐o係車上,一路嗅住隻雞o既香味,一路好想食,雖然我都未係好肚餓.
去到可以開餐喇,我o地一共七個人,未打開錫紙,LL都話嗅到好香,打開睇,個樣OK,
切開埋睇,飯唔係好多,
一人應該只試到一湯匙,因為隻雞唔係大隻,係嫩雞.我o地先食飯,飯有啲辣但唔太辣,濕濕潤潤,而雞肉呢?食到皮o既朋友做話好夠味,食到有好多香料,味道唔單調,所以可以唔蘸,但如果只食雞肉o既,就可以蘸啲,乳酪味道確實係帶土耳其風,LKH唔知情下將成隻雞髀’浸’落乳酪o度食,大叫唔好食.不過佢都讚啲飯OK,但如果用走地雞會好食好多,重話如果下次食,問可唔可以我o地供應隻雞畀佢o地整.不過男友話用香料整o既新鮮雞會o徒晒隻雞.
味道:4.5分
食完所有o野後,我o地就食千層蛋糕當生日蛋糕,
Grace幫我o地做o左一磅因為始終都係牛油,驚太漏,切開睇層次分明,
食落,味道好特別,大家都食唔到係咩o野味但覺得好好食,LYY話好似有啲薑味,我就諗,印尼o野應該都用上椰油呢啲o野.但o衣o家睇返招牌菜,寫住印尼鮮牛油千層蛋糕,唔通印尼鮮牛油o既味道就係咁?味道: 5分
同樣咀刁o既LYY都話好食,我提議約佢o地12月去食,佢都話好,真係好啦!
其他:
原本都唔知應該將呢篇食評放o係邊間,因為三間都觸及,但由始至終都只係接觸Grace一個,而最後去拎o野食o既地方係呢o度,所以將食評寫o係呢間.
張貼
