影片
更多
2022-05-06
1121 瀏覽
無意中喺yt睇到有人介紹呢間西餐講緊6個course都係498 條片介紹到好好食咁 等我親身嚟試試先位置好易搵 大尾督巴士站行2分鐘就到揸車嚟嘅話 可以直接泊喺餐廳門口Amuse Bouche每人都有一口巴馬火腿配開胃酸汁Bread basket店家自製嘅蒜蓉包超正 又脆又有咬口 氣孔超完美蒜香又出食完呢個包我已經對呢餐充滿期待House Favourite Appetiser三文魚煙熏味唔太重 唔會蓋過矜貴嘅黑魚子醬香味煎過嘅大蝦好鮮甜爽口 加上紅菜頭嘅甜好matchCrabmeat Popper炸到好香脆 入面全部都係一絲絲嘅蟹肉 好鮮甜加少少檸檬汁同蛋黃醬更好食Crispy Foie Gras with Caramelised Fig外脆內軟嘅鵝肝 入口充滿油香加埋焦糖無花果中和番油膩感Lobster Bisque with Cognac超濃郁 龍蝦味同酒香都好出Wild Mushroom Risotto with Hokkaido King Scallop勁大隻帶子 意大利飯有咬口充滿菇菌香Grilled Wagyu Beef Tenderloin用上澳洲M6和牛 油份唔重 肉
講緊6個course都係498
條片介紹到好好食咁 等我親身嚟試試先
位置好易搵 大尾督巴士站行2分鐘就到
揸車嚟嘅話 可以直接泊喺餐廳門口
Amuse Bouche
每人都有一口巴馬火腿配開胃酸汁
Bread basket
店家自製嘅蒜蓉包超正 又脆又有咬口 氣孔超完美蒜香又出
食完呢個包我已經對呢餐充滿期待
House Favourite Appetiser
三文魚煙熏味唔太重 唔會蓋過矜貴嘅黑魚子醬香味
煎過嘅大蝦好鮮甜爽口 加上紅菜頭嘅甜好match
Crabmeat Popper
炸到好香脆 入面全部都係一絲絲嘅蟹肉 好鮮甜
加少少檸檬汁同蛋黃醬更好食
Crispy Foie Gras with Caramelised Fig
外脆內軟嘅鵝肝 入口充滿油香
加埋焦糖無花果中和番油膩感
Lobster Bisque with Cognac
超濃郁 龍蝦味同酒香都好出
Wild Mushroom Risotto with Hokkaido King Scallop
勁大隻帶子 意大利飯有咬口充滿菇菌香
Grilled Wagyu Beef Tenderloin
用上澳洲M6和牛 油份唔重 肉味都幾濃
煎到5成熟入口柔軟 而且都幾大件
以上咁多野食都係498 真係又抵又有質素
喺市區真係分分鐘貴一倍
另外我仲叫左兩個dish
Foie Gras•Smoked Salmon•Iberian Ham
擺盤勁靚勁豐富 加埋酸酸地嘅沙律汁 好開胃
Free Range Roasted Chicken
全隻都好嫩滑 滑到我搵唔到雞胸喺邊
煎得好香又入味 食到一種酒香
之後大廚出嚟傾計 問佢落左咩酒咁香
原來係啤酒加白酒呀
Special drinks
柚子薑蜜同百香果什果特飲 兩杯都唔太甜
呢間我真係可以翻兜再翻兜
野食好味cp值超高
服務好好 每道菜都會問下味道啱唔啱食
大廚煮完一道菜有時間又會出嚟介紹下
好重視每一個顧客 我feel到佢地真係有心做
即刻介紹左俾朋友 有好野係要share嘅
第一次打咁多字 因為我真係好好好鍾意呢餐飯
張貼
