羅勒印度餐廳 (龍尾村) (已結業)

話說今日同朋友都係放平日 , 我哋又係住北區附近 , 亦都好鍾意向海 , 於是我哋就去咗大尾篤行下, 另外我哋book咗間餐廳晚餐, 我哋今晚所選嘅係印度餐廳 , 大尾篤食印度菜？ 感覺非常特別。 一去到門口, 已經有位服務員介紹印度菜, 由於我哋本身已經訂咗位 , 所以我哋都冇理咁多, 直接入去。 可能係平日關係, 都冇乜人。 我哋點咗蒜蓉薄餅同埋芝士薄餅, 芝士薄餅非常非常好食，有拉絲。 另外因為朋友唔食得太辣 , 我點咗咖哩魚同埋唔辣嘅雞, 味道都係重味同偏咸。不過印度菜都係咁, 最後食埋印度咖哩角, 味道都唔錯, 消費都唔係太貴。可以再黎。