影片
更多
2009-06-03
80 瀏覽
3-6-2009年幾前食過舊店 (http://www.openrice.com/restaurant/commentdetail.htm?commentid=1895339) 回味到今時今日, 呢日帶了無時無刻都想食壽司的朋友 K, 試埋呢邊呢間.如常叫了自選壽司定食 ($170), 有8 件手握壽司 + 6 件卷物, 跟蒸蛋, 麵豉湯及咖啡/雪糕:-先0黎蒸蛋, 滑溜又清甜, 配料特別欣賞銀杏, 軟熟中帶點彈性, 好食.壽司分別有海膽, 三文魚籽, 玉子, 深海池魚, 中 toro, 左口魚, 甜蝦 (以上全部 1 each), 及 6 件 maguro 卷, 味道唔逐件形容了, 只覺得最好食係帶點酒味的鮮甜飽滿三文魚籽; 中 toro 不論口感味道都似足一舊肥膏 ; 深海池魚魚味比左口魚濃; 甜蝦新鮮度只 ok, 賣相亦有點 hea, 頗失色; 上次無食的玉子亦不錯, 夠香甜又軟滑, 不過我 prefer「無飯版」(e.g. 呢隻: http://www.openrice.com/restaurant/commentdetail.htm?commentid=1973554) 多
年幾前食過舊店 (http://www.openrice.com/restaurant/commentdetail.htm?commentid=1895339) 回味到今時今日, 呢日帶了無時無刻都想食壽司的朋友 K, 試埋呢邊呢間.
如常叫了自選壽司定食 ($170), 有8 件手握壽司 + 6 件卷物, 跟蒸蛋, 麵豉湯及咖啡/雪糕:-
先0黎蒸蛋, 滑溜又清甜, 配料特別欣賞銀杏, 軟熟中帶點彈性, 好食.
壽司分別有海膽, 三文魚籽, 玉子, 深海池魚, 中 toro, 左口魚, 甜蝦 (以上全部 1 each), 及 6 件 maguro 卷, 味道唔逐件形容了, 只覺得最好食係帶點酒味的鮮甜飽滿三文魚籽; 中 toro 不論口感味道都似足一舊肥膏 ; 深海池魚魚味比左口魚濃; 甜蝦新鮮度只 ok, 賣相亦有點 hea, 頗失色; 上次無食的玉子亦不錯, 夠香甜又軟滑, 不過我 prefer「無飯版」(e.g. 呢隻: http://www.openrice.com/restaurant/commentdetail.htm?commentid=1973554) 多 d; 壽司飯握得靚又好食, 新鮮 wasabi 就好香又好啃, 哈哈.
朋友的就有海膽, 三文魚籽, 深海池魚, 中 toro, 三文魚, 油甘魚, 穴子, 左口魚 (同樣 1 each), 及 6 件 maguro 卷, 見佢食得津津有味, 應該幾滿意吧.
麵豉湯及咖啡就一般; 不過朋友的芝麻雪糕好香濃, 早知我又叫
同棉登徑0個邊一樣, 呢度訂了檯仍然要等位, 服務亦貼心, 感覺上衛生就呢度好 d; 不過最大分別, 就當然係駐場的師傅, 一眼就睇得出0個邊的比呢度 senior , 睇0黎呢樣亦同較高的食物價錢有關係?
不過大師傅唔0係度, 連加一 $187 的呢餐 lunch 仍然食得好滿意, 值得一試再試的.
張貼
