龍鳳冰室 (已結業)

年初一要開工，唯有叫外賣，但度度都無開門，好彩仲有龍鳳開啫，打去叫外賣既時候都講到明今日要加二（20%）𠺢！無辦法啦，新正頭人地開門做生意，有得食已經好好彩。咖喱牛坑腩飯，飯面有炸蒜，咖喱牛坑腩好有椰香，而且咖喱只係小辣，好易入口。雞翼肉操飯，有三隻雞翼，雞翼已經煮林晒，好容易就可以拆骨。平時食呢啲野多數都冇乜蔬菜嘅，而龍鳳冰室就有粟米粒，感覺即刻健康左好多。呢個成個美式早餐咁嘅東東，就係黑魚子司華力腸厚多士餐。一打開個盒就見到好豐富嘅套餐，兩條司華力腸好大條，由於係外賣，兩塊厚多士已經琳琳地。另外在叫左個鹹牛肉蛋多士配薯條，薯條係粗薯條，配上茄汁味道一流。但係叫咗四樣嘢加左成40幾蚊就真係可以叫多個餐咁樣