大快活

營業中

休息中

大快活推出和味撈咖喱鍋燒烏冬系列，一直都想試，今天終於在金鐘遠東金融中心的分店試了雞扒咖喱撈烏冬。咖喱汁與烏冬分開上，鐘意點幾多咖喱汁落啲烏冬或鷄肉度都得。咖喱汁本身好少辣，鹹鹹地，更有微微的酸味，感覺上都幾似心目中的日式咖喱。鷄肉幾軟熟，但最有驚喜的是烏冬裏竟然有幾塊蔬菜天婦羅！！有天婦羅茄子和天婦羅藕片，炸得甘香可口。把鷄肉、天婦羅或烏冬點一些咖喱汁食，感覺好惹味！不過代價就是比較鹹和濃味。但食得日式咖喱都預咗濃味架啦，對嗎？總括來説，這鍋燒烏冬確實是誠意之作。