影片
更多
2023-10-04
506 瀏覽
近排超超超忙碌! 其中一個原因係.... 自己玩裝修! 24年4月又話掉垃圾要俾錢，而且九運又到，再加上間屋又住咗成十年無攪過，於是一次過攪大佢!結果緊係攰死啦! 攰到無胃口，唔想食D熱嘢，於是女友小熊提意食日本菜，去和民.攰到個腦都無心情諗食咩，小熊有提意仲好唔洗我煩.有D人對貓貓狗狗有特別感情，我就特別鍾情海洋生物，所以日本倒核廢水我必然大加反對，但我又唔會反對食日本菜，一來我相信原材料來貨都都未係日本，二來邊擔心得咁多呀! 活在當下啦唔該!最近嘅和民係黃埔，於是早D落去費事等位，去到好好彩唔洗等，攰到死仲要企係到等位的話，我相信會轉場.點咗2人套餐，有鮭魚刺身，剴凱撒沙律，牛肉壽喜燒，炸雞軟骨，鰻魚牛肉盒子飯，再加香脆炸雞，照燒雞肉 Pizza，飲品係芒果益力多沙冰同柚子密梳打.優點:1, 第一緊係要講講我大愛嘅沙冰啦! 夠甜夠凍唔係D酸芒果味! 大大大讚!2, 牛肉壽喜燒牛肉薄薄一片，所以唔會韌，灼一灼已熟，但最好味反而係果兩磚豆腐，嫩滑之餘又重黃豆味.3, 加上燒汁嘅鰻魚肉嫩又夠味，而且飯粒分明，係我中意嘅口感.4, 香脆炸雞雞肉 Juicy 外層脆口，滿意.缺點:1, 對住
結果緊係攰死啦! 攰到無胃口，唔想食D熱嘢，於是女友小熊提意食日本菜，去和民.
攰到個腦都無心情諗食咩，小熊有提意仲好唔洗我煩.
有D人對貓貓狗狗有特別感情，我就特別鍾情海洋生物，所以日本倒核廢水我必然大加反對，但我又唔會反對食日本菜，一來我相信原材料來貨都都未係日本，二來邊擔心得咁多呀! 活在當下啦唔該!
最近嘅和民係黃埔，於是早D落去費事等位，去到好好彩唔洗等，攰到死仲要企係到等位的話，我相信會轉場.
點咗2人套餐，有鮭魚刺身，剴凱撒沙律，牛肉壽喜燒，炸雞軟骨，鰻魚牛肉盒子飯，再加香脆炸雞，照燒雞肉 Pizza，飲品係芒果益力多沙冰同柚子密梳打.
優點:
1, 第一緊係要講講我大愛嘅沙冰啦! 夠甜夠凍唔係D酸芒果味! 大大大讚!
2, 牛肉壽喜燒牛肉薄薄一片，所以唔會韌，灼一灼已熟，但最好味反而係果兩磚豆腐，嫩滑之餘又重黃豆味.
3, 加上燒汁嘅鰻魚肉嫩又夠味，而且飯粒分明，係我中意嘅口感.
4, 香脆炸雞雞肉 Juicy 外層脆口，滿意.
缺點:
1, 對住個爐，當然感覺冷氣不足啦.
2, 炸雞軟骨唔夠脆口.
3, 連個薄薄 Pizza 餅底都唔脆口，最失望係 Pizza.
4, 門口等位無櫈坐.
女友小熊食到肚滿腸肥，間屋被我攪大，佢個肚腩又被我攪大.....
張貼
