Cafe Ursus (已結業)

上綱見到食評大讚這裹的炸珍寶菇好吸引，所以專程入九龍城一試。門面看落幾raw，帶點玩味。內裏地方寬敞，擺放了形形色色的玩具，有點復古擺設。一坐底即刻叫咗期待已久的炸珍寶菇。炸珍寶菇配黑松露他他醬 ($68)珍寶菇又大舊又多汁，仲要好香菇味，炸得外脆內軟，非常鬆化。面層灑上幼鹽令珍寶菇味道更鮮甜。黑松露他他醬酸酸地，使人開胃之餘又可減低油膩感。黑松露味道雖然唔係好濃，但能清楚嘗到它的香味，跟他他醬好夾！蕃薯薯條 ($28)大愛！薯條炸得脆之餘又唔會好油好乾，蕃薯本身好香甜，質感粉綿，再在面上灑上少少幼鹽，真係好好食！份量仲好多添！紫薯牛奶 ($38)牛奶口感好綿好滑，紫薯味夠濃，而且味道天然。温泉蛋卡邦尼飲管粉 (lunch set $98)飲管粉即是中間空心的意粉，口感比一般意大利粉粗身煙韌，可以防止煮得太腍變咗一pat野的風險; 但亦因為咁，飲管粉比較硬，未必個個鐘意，加上麵粉味偏重，搶過了醬汁的味道，如果多加醬汁可能會好啲。