盛記酒家

營業中

休息中

大時大節過後, 終於都可以遠離西餐, 去一去中菜館開餐｡ 今晚黎到呢間位於灣仔嘅上樓中菜館, 主打食即燒乳豬餐牌除左有特式小菜外, 仲有海鮮 Menu, 價錢唔貴是日老火湯是日老火湯係西洋菜陳腎豬展湯, 味濃, 無味精, 夠火喉, 夠足料, 而且清熱潤肺金瑤琵琶豆腐以搗碎嘅豆腐及其他食材混合而成嘅琵琶豆腐, 炸到外脆內軟, 表面淋上瑤柱芡汁, 看似簡單, 但其實好考師傅嘅心機同功架, 大推乾撈龍蝦粉絲煲足料一隻嘅新鮮龍蝦, 斬件後爆香, 再以半燜煮嘅方式加入粉絲, 令粉絲完全吸收晒龍蝦嘅精華｡ 超鐘意呢款粉絲煲, 夠晒惹味, 而且仲可以食到啖啖龍蝦肉, 肉質非常爽甜, 正正正