大慶燒味飯店 (已結業)

所謂秋風起，食臘味，今日就由我介紹各位去一間抵食夾大件的臘味店「大慶燒味飯店」。 呢間燒味店一樣賣叉燒、油雞，所唔同嘅係呢度啲燒味飯係肉多過飯，而且仲唔係頭頭尾尾，真係啖啖肉。油鴨飯（即臘鴨飯）係鎮店之寶。 唔睇清楚仲以為佢俾錯白鹵水鵝飯，鴨肉鋪滿飯面…邊有可能？！鹹死人啦.…… 但食落又唔係咁鹹，應該係浸過嘅，啖啖肉，唔太靱，仲好有囗感添！反而送嘅花生湯就鹹咗啲，不過26蚊，交足料，仲想點？ 最緊要係可以大啖大啖咁食，唔怕鹹，真係未諗過可以咁食臘鴨，靚！地址嚮灣仔軒尼斯道修頓球場對面，涼茶第一家隔籬兩個舖位。外賣比堂食平，地方矜貴嘛！