影片
更多
2016-10-25
938 瀏覽
真係好想提吓自己嘅威水事蹟，話說今日係某個兒童衣服清倉嘅最後一日，食飯前經過一連串嘅努力去幫兩個小魔怪搶購靚衫，係手無寸鐵嘅情況之下竟然可以成功爭取5件外套。雖然係超級辛苦，但滿足感係100分。辛苦完梗係要好好咁樣享受一下啦，去番間靚靚嘅餐廳，享受返一過靚靚仔仔嘅午餐先至可以更加完美。138蚊一個套餐，見落係幾貴下，但係食落性價比高。叫咗刺身飯套餐，入邊有五個刺身可以俾你揀其中三款，咁我就揀咗甜蝦，三文魚同帶子。套餐入邊仲包埋個小食，今日嘅小食係青瓜螺肉，另外仲有個面豉湯，仲有一杯野飲。甜蝦飯入邊有三隻甜蝦，甜蝦嘅size都算幾大，而且食落去好鮮甜，好甘香，味道好。另外個飯入邊仲有少少海藻，雞蛋同埋薑片伴住。三文魚飯入邊有三片三文魚刺身，另外仲有三文魚子。呢度嘅三文魚淹個味道都幾好，一入口雖然咸左少少，但係撈埋個飯就啱啱好。帶子飯，估唔到呢個帶子最有驚喜，除咗佢嘅味道好甜之外感覺仲好新鮮，分量超多有成7，8舊。其實一個女仔食三個飯係完全食唔晒嘅，三個飯加埋應該有平時食飯嘅一碗半咁多，莫講話女性男士都一定夠飽。係呢個時候店員提醒我哋，如果我哋喺Facebook讚佢呢個Facebook網頁
辛苦完梗係要好好咁樣享受一下啦，去番間靚靚嘅餐廳，享受返一過靚靚仔仔嘅午餐先至可以更加完美。
138蚊一個套餐，見落係幾貴下，但係食落性價比高。叫咗刺身飯套餐，入邊有五個刺身可以俾你揀其中三款，咁我就揀咗甜蝦，三文魚同帶子。套餐入邊仲包埋個小食，今日嘅小食係青瓜螺肉，另外仲有個面豉湯，仲有一杯野飲。
甜蝦飯入邊有三隻甜蝦，甜蝦嘅size都算幾大，而且食落去好鮮甜，好甘香，味道好。另外個飯入邊仲有少少海藻，雞蛋同埋薑片伴住。
三文魚飯入邊有三片三文魚刺身，另外仲有三文魚子。呢度嘅三文魚淹個味道都幾好，一入口雖然咸左少少，但係撈埋個飯就啱啱好。
帶子飯，估唔到呢個帶子最有驚喜，除咗佢嘅味道好甜之外感覺仲好新鮮，分量超多有成7，8舊。
其實一個女仔食三個飯係完全食唔晒嘅，三個飯加埋應該有平時食飯嘅一碗半咁多，莫講話女性男士都一定夠飽。
係呢個時候店員提醒我哋，如果我哋喺Facebook讚佢呢個Facebook網頁嘅話，就即刻送兩個八爪魚嘅薯蓉。攞出嚟時候係用紫菜包住個薯蓉。食落去雖然唔多見到有八爪魚但係味道都幾好，包埋個紫菜味好特別下。
整體來說講成個餐好正，而且都真係幾齊全。一個套餐有齊晒前菜，湯，飲品同埋讓食，非常之滿足。另外仲見到有啲人食午市嘅燒烤餐，拎出嚟都十分之精美，價錢都好似係百幾蚊，好有興趣下次再嚟試吓。
張貼
