UCC COFFEE SHOP

營業中

休息中

與5個友人共聚，一同前往UCC晚餐。主菜另+$2X轉餐，包括有餐湯、沙律及飲品。自助沙律可以將沙律放到好高好大碟，不過太大碟又驚食唔晒。沙律食物款式雖選擇唔多，但基本食物如薯仔、菠蘿、生菜、桃、螺絲粉、Jelly等俱全，與友人一人囉一大碟 好開心! 最好食係Jelly，粒粒都好大粒，特意囉左一大碟Happy Share。不過等主菜上菜好慢，催促左都要等足近半小時先有得食，而圓餐枱太細，當所有主菜到齊，完全無位擺。首先來個墨汁飯，墨汁飯好入味，每一口都食到好濃郁的墨汁。由於飯煮得好黏身，所以食落有黏答答的感覺，並配合煙煙韌韌的墨魚。雖然食完滿牙齒都會變左黑色，但好好味，值得推介啊另白汁雞肉意大利飯，飯身亦煮得好黏身，雞肉不會太老，最好食的係上層的蛋，一吉開，金黃色的蛋心流出來，與意大利飯混合一齊食，令飯更惹味!焗芝士菠菜三文魚螺絲粉就麻麻地，雖然煙三文魚焗得好香，又唔會散晒，但覺得芝士加得太多，菠菜份量又好少，變得好膩不過整體食物尚算不錯，但無論上菜及埋單都好慢，要不繼催促。