聖安娜餅屋 (已搬遷) 新店位置

尋日(29-3-2009 Sun)同男友從皇崗返港後,落o左車行上o黎,經過聖安娜,想買定麵包做今日早餐,但o係外面睇吓啲cake先,有cheese cake呀!於是拉住男友一齊睇同揀,我揀o左$12.00o既藍莓cheese cake,男友揀o左$9.00o既雪地尋莓,之後佢話要還返件$6.50o既全蛋咖啡蛋糕畀我,哈.而睇啲麵包,冇個吸引o既,於是唔買麵包.我o地拎住件咖啡蛋糕行去收銀,咁我先拎張九折咭同收銀講有咭,佢應o左我知道o既,然而我就話要o個啲切餅o勒,咁收銀計好數,話廿七個幾,我冇為意,男友就畀o左錢,我一路行一路諗,咦?!佢好似冇畀折我喎,佢明明有應我o格,有冇攪錯?返到屋企打開個盒拎o黎食,藍莓cheese cake冇藍莓味,亦唔夠芝士味,只係口感似樣啲,唔得呀!味道: 1分男友o既雪地尋莓,個名好靚呀,不過都只係一件好普通o既士多啤梨西餅,不過就係大件啲之嘛,唉!味道: 3分而咖啡蛋糕就未食,應該 / 希望同上年食o既一樣咁好味o掛.PS: 既然你唔畀折扣我,咁我o係呢o度畀返你啦.