薄荷葉泰國菜

營業中

休息中

入到黎元朗，大把好嘢食，同朋友仔行完街街，搵到呢間泰國菜，食下嘢順便chill下。睇餐牌好多選擇。冬蔭公湯，雖然叫左細湯，每人都飲到兩碗，仲有好多料，個湯夠酸多辣，正！酸子炸豬手，個豬手令到我地嘩一聲，好大隻豬手，炸香嘅外皮，裡面啖啖肉，咁大隻豬手都炆得好軟腍，連拌碟嘅炸紫菜都好好味。雜錦小食，泰國菜必食嘅炸物，可以點唔同嘅醬汁，個蝦片好脆。班蘭咖哩牛，咖哩好濃稠，微辣，送薄餅一流。叫咗番石榴特飲、菠蘿特飲，個果味好特岀，微量梳打，唔會飲到成肚氣，飲落仲有點點果肉。