杉玉 (惠安苑)

太古新開杉玉新分店，今日放工就嚟試試佢！開張優惠有得$10食一件大拖羅吞拿魚壽司，咁抵我今晚就總共嗌咗四件！大拖肉質肥美、入口有油香，但肥而不膩🥰🥰另外咗呢個蜆伴烏冬，烏冬彈牙，入邊有啲櫻花蝦，蜆肉正常，整體都唔錯！呢三件火炙壽司都燒到好香！呢個青瓜伴蟹膏同明太子，青瓜清爽，配上有鹹香嘅蟹膏、微辣嘅明太子，做前菜或者食壽司之間嘅間隔都唔錯😝呢個麻油三文魚就麻麻哋…好似將出前一丁包麻油加落啲三文魚咁，味道好唔夾！🧐呢個芝士蛋糕昨晚餐結尾非常出色！😍😍