老友記喜點 (已結業)

今日一早約好咗去朋友嘅新居入夥，因為朋友嘅屋企容納唔到咁多人，所以我哋就先食晚飯，然後再上佢屋企食糖水，佢帶咗我哋去一間叫老友記嘅大排檔，真係好好味啊！因為我好肚餓所以就提議不如叫兩個點心先即刻有得食雞扎同埋馬拉糕，標準嘢，冇乜特別，跟住就上麻辣雞煲啦，好好味呀，又唔會太辣，我好鍾意嗰種麻嘅味道，另外最鍾意嘅就係佢嘅豉汁蒸鱔，呢度撲朔晒豉汁同魚嘅味，又會白飯就正啦。另外我地點左椒鹽魷魚，椒鹽鮑魚，干扁四季豆，老友記姐姐介紹嘅小炒王，薯仔牛柳粒，豉汁涼瓜，粟米斑塊，仲有炒蜆唔記得影相添。全部淸晒。