楚撚記大排檔 (寶光大廈)

營業中

休息中

好友相聚🤜，今次就去到土瓜灣楚撚記。土瓜灣嘅楚撚記係特別多人，日日都好多人排隊🕘，而且條隊仲好長。佢真係好適合一大班人叫餸食飯，飲吓啤酒🍻。而且佢出名好多餸都好有特色，好值得特登嚟食🍽️！拔絲焦糖香燒脆腩仔😻係我每一次食楚撚記都會叫嘅餸，喺又肥又香嘅燒腩仔外面為咗一圈麥芽糖😽，將麥芽糖夾住燒腩仔再點少少芥末食，呢道餸味道真係好特別！鳳尾蝦多士🦐又係一個好精緻嘅菜唔係週圍有得食！炸得好香脆而且又有鮮蝦味真係好好食。金沙蛋黃九肚魚🐟有鹹香味而且炸到好鬆脆，真係非常之邪惡，但係送飯同送啤酒都一流。無論係椒鹽九肚魚定係呢一味金沙蛋黃九肚魚，都係香港嘅特別整法，好有香港大排檔特色！雖然三個人食，但係都唔夠喉，仲叫咗個蜆介鯪魚球！蜆介醬係呢一道餸嘅靈魂，又鹹鹹地咁而且好有鮮味，配埋有鮮魚味炸到好酥脆嘅鯪魚球，真係好好食嘅港式美食！最後當然要同大家介紹楚撚記嘅招牌豬油撈飯🍚！邪惡程度爆燈，唔需要同大家多講。快啲去排隊攞枱試下啦！