巨根小菜王 (已結業)

今日去左旺角食飯，朋友鐘意食中菜，旺角又開左一間新餐廳，小菜好有大排擋風味，環境又大又舒服，地方又夠寬敞。我地二人行叫左四個菜。涼瓜黃金磚，涼瓜爽脆加上咸蛋黃，入口咸香味道夠特別，即叫即炸熱辣辣。炸魚細細條可以連骨食，入口唔會太油膩，朋友超鐘意。干炒牛河係我最愛，牛肉有咬口有嚼勁，河粉炒得好入味，加上豉油咸香，好濃香好滋味。最後我地叫左薑蔥生蠔煲，蠔肉都算好大隻，入口唔會腥有濃郁海水味，入口肥美飽滿，加上香蔥和薑爆香，味道超驚喜。