Haru Haru (已結業)

朋友介紹佐敦食大排檔式地道韓菜，店子小小在一條小巷中，分為室內及室外，雖然我地坐室外，但室內冷氣+風扇吹出來一啲都唔覺熱我地order左石鍋牛肉伴飯，無骨辣醬炸雞，海鮮煎餅，3罐飲品，仲有免費前菜(可添加)，埋單$253 無加一，份量都不少，我地兩個女仔食唔哂仲打包左，價錢幾抵！特別要一讚，這裡既"醬汁"都很好吃，石鍋飯既汁，炸雞既汁，以至每款免費增送既前菜既醃汁，都很獨特，大廚一定花了很多心思在調製醬汁方面吧。想起很多時吃東西都會看到"秘製醬汁"四字,吃後驚覺根本就很普通吧？haru haru的醬汁卻真正有資格稱得上秘製呢。石鍋牛肉伴飯 $60配上特製醬汁好好味，甜甜辣辣好醒胃，難得個石鍋好夠熱，油不多，拌飯的時候容易就能壓出沾上蛋汁既飯焦，非常可口！辣醬炸雞(無骨) 半份 $79人多的話可order全份$148炸雞可選有骨/無骨，人懶當然揀無骨喇 雞件係雞脾肉，大概有8-10件，咬下外皮酥脆，肉質嫩滑有肉汁，辣醬帶少甜，我覺得可以再多啲醬就更好味！眼見人地order有骨係有雞翼同雞翼尖，相信有骨既係俾全雞，無骨既係用雞脾肉，下次試有骨先~海鮮煎餅很香蛋味，底面煎得香口，內層軟綿，