影片
更多
2009-10-17
59 瀏覽
16-10-2009前一日喺隔嚟鋪食薯粉 (), 今次試試呢個好似幾出名的大排檔. 胃口一般, 唔食飯了, 隔嚟位的雞飯賣相又一般, 叫了碗雙併米 ($24), 加杯熱鴛鴦 ($10).先嚟熱鴦, 飲落奶茶 vs 咖啡比例約 6:4, 茶味幾香, 咖啡味亦香, 無酸澀味, 入口亦夠滑溜, 好過好多茶餐廳喎, 唔錯唔錯 雙併係冬菇 + 豬大腸... 湯底味道淡口, 不過無 MSG 痕跡, 算吧; 米粉淥得剛好, 可惜湯底麻麻啦, otherwise 索湯一定好正; 冬菇幾厚肉, 食落又係好淡; 鹵水豬大腸洗得乾淨無異味, 食落幾爽口, 不過都唔「鹵水」嘅, 印象一般而已. 唔算好好食的一碗粉, 但味道住家 feel, 都幾難得, 可以一試.大排檔環境及衛生就當然麻麻, 離開時成把頭髮都係隔嚟檔的油煙味, 附近亦有煙民, 不過都嚟得大排檔都預咗吧? 有時見到 d 室外茶檔 / 大排檔食評, 食物幾好都俾喊面, 因為人哋地方「唔太企理」, 天氣熱搞到周身汗, 落雨地下又濕晒云云, 都幾搞笑 -- 落雨地下濕晒, 又有幾奇呢?
前一日喺隔嚟鋪食薯粉 (), 今次試試呢個好似幾出名的大排檔. 胃口一般, 唔食飯了, 隔嚟位的雞飯賣相又一般, 叫了碗雙併米 ($24), 加杯熱鴛鴦 ($10).
先嚟熱鴦, 飲落奶茶 vs 咖啡比例約 6:4, 茶味幾香, 咖啡味亦香, 無酸澀味, 入口亦夠滑溜, 好過好多茶餐廳喎, 唔錯唔錯
雙併係冬菇 + 豬大腸... 湯底味道淡口, 不過無 MSG 痕跡, 算吧; 米粉淥得剛好, 可惜湯底麻麻啦, otherwise 索湯一定好正; 冬菇幾厚肉, 食落又係好淡; 鹵水豬大腸洗得乾淨無異味, 食落幾爽口, 不過都唔「鹵水」嘅, 印象一般而已. 唔算好好食的一碗粉, 但味道住家 feel, 都幾難得, 可以一試.
大排檔環境及衛生就當然麻麻, 離開時成把頭髮都係隔嚟檔的油煙味, 附近亦有煙民, 不過都嚟得大排檔都預咗吧? 有時見到 d 室外茶檔 / 大排檔食評, 食物幾好都俾喊面, 因為人哋地方「唔太企理」, 天氣熱搞到周身汗, 落雨地下又濕晒云云, 都幾搞笑 -- 落雨地下濕晒, 又有幾奇呢?
張貼
