陳根記 (已搬遷) 新店位置

今日去完沙田睇家具，家人話不如食大排檔，所以一行四人去陳根記食飯，去到8點超多人，找位都好難，找到差不多20分鐘有位，待應太忙根本理吾晒，我都預左，所以最後我地都自已寫左幾個菜式比待應。川芎白芷蒸魚雲$70：等了差不多一個鐘食完先黎，但堅好味道。中藥味道濃又吾苦，魚雲份量多而煲到好奶白色，只果湯方面再多點就更好。馬拉盞炒通菜$48：味道正常，夠鑊氣，份量多。吾太咸剛好。鹵水併盤$128：份量每款都多，夠入味而吾咸 。辣汁吾太辣但令到卤水更香好味。醉香雞：酒的味道都叫濃而香，雞仲保持到嫩滑而吾鞋，雞件吾太肥剛好，少少微溫吾會杰晒難食。連蛋都入晒酒味。最後仲有甜品食，出奇地好味道。但甜品供應有限，所以最好提早買左先。